Pandemiya davrida Rossiya davlatida qolib ketgan yurtdoshlarimizga mamlakatimizga kelishlari uchun qulaylik yaratish maqsadida “Oʼzbekiston temir yoʼllari” aksiyadorlik jamiyati tomonidan “Voljskiy-Toshkent” yoʼnalishida 483-sonli yoʼlovchi poezdining 4 ta maxsus reysi yoʼlga qoʼyiladi. Mazkur poezdlar 2021-yil 22, 25, 29-oktyabr hamda 1-noyabr kunlari soat 20:57 da “Voljskiy-Toshkent” yoʼnalishida harakatini amalga oshiradi.

Mazkur poezdlarga faqat bir tomonga, yaʼni “Voljskiy-Toshkent” yoʼnalishiga chiptalar sotiladi. Chiptalarni elektron tarzda ham sotish yoʼlga qoʼyilgan. Rossiyadagi fuqarolarimizning yaqinlari Oʼzbekistonda turib, ularning shaxsini tasdiqlovchi hujjati nusxasi bilan “Oʼzbekiston temir yoʼllari” aktsiyadorlik jamiyati veb-sayti orqali е-ticket.railway.uz dan chiptalarni elektron tarzda xarid qilib olib, joʼnatishlari ham mumkin.

Izoh: Qoʼshimcha maʼlumotlarni Toshkent shahrida 1005 qisqa telefon raqami, joylardagi temir yoʼl kassalari hamda maʼlumotlar byurosidan bilib olishingiz mumkin.