Бугун, 22 июль куни Ўзбекистон Республикаси Транспорт вазири Илҳом Маҳкамов Қирғиз Республикасининг мамлакатимиздаги Фавқулодда ва мухтор элчиси Муса Жаманбаев билан учрашди.

Учрашувда томонлар мамлакатларимиз ўртасидаги транспорт-коммуникация алоқаларини ривожлантириш билан боғлиқ масалаларни муҳокама этишди.

Хусусан, ҳар икки томон вакиллари Чўлпонотада бўлиб ўтган Марказий Осиё давлат раҳбарларининг Маслаҳат учрашувида илгари сурилган таклифларни рўёбга чиқариш, ушбу йўналишда биргаликдаги саъй-ҳаракатларни амалга ошириш бўйича фикр алмашди.

Шунингдек, учрашувда мамлакатларимиз шаҳарларини бир-бири билан боғловчи янги йўналишларда темир йўл ва автобус қатновларини ташкил этиш билан боғлиқ жиҳатлар муҳокама этилди.