Apparat boshqaruvchisining asosiy lavozim vazifalari va funksiyalari quyidagilardan iborat:

Transport vazirligidagi ishlarini tashkillashtirish, takliflar va hujjatlar loyihalarining sifatli ishlab chiqilishi, ishonchliligi va o‘z vaqtida tayyorlanishi hamda vazifalar taqsimotiga muvofiq topshiriqlar va qabul qilingan hujjatlarning ijrosini ta’minlanishi yuzasidan nazorat qiladi;

Apparat boshqaruvchisining tizimiga kiruvchi boshqarmalari tomonidan ijro etiladigan O‘zbekiston Respublikasi Prezidentining farmonlari, qarorlari va farmoyishlariga hamda vazirlik buyruqlarini o‘z muddatlarida va sifatli ijro etilishini yuzasidan umumiy nazorat qiladi;

transport sohasini rivojlantirishning yaqin, o‘rta va uzoq muddatga mo‘ljallangan strategiyasi, asosiy konseptual yo‘nalishlari, shuningdek transport xizmatlari madaniyati va sifatini oshirishga qaratilgan kompleks chora-tadbirlar, o‘z vakolatlari doirasida respublikaning ijtimoiy-iqtisodiy rivojlanish dasturlari loyihalarini ishlab chiqilishida tizim korxonalari ishtirokini taʼminlaydi;

davlat transport siyosatini amalga oshirish tizimini takomillashtirish bo‘yicha takliflarni, transport sohasida davlat boshqaruvi, tartibga solish va nazorat qilish yo‘nalishlarini ishlab chiqishini nazorat qiladi;

transport sohasiga taaluqli normativ-huquqiy hujjatlar ishlab chiqilishi bo‘yicha takliflarni shakllantirish boʼyicha tegishli topshiriq beradi;

vazirlik markaziy apparati, hududiy boshqarmalari hamda idoraviy mansub tashkilotlari tomonidan O‘zbekiston Respublikasi Prezidenti qarorlari, farmonlari, vazirlik buyruq va topshiriqlari ijro etilishini nazorat qiladi;

transportning barcha turlarini O‘zbekiston Respublikasi yagona transport tarmog‘iga integratsiyalash asosida birgalikda rivojlantirish strategiyasi
va dasturlarini ishlab chiqish masalalari bo‘yicha axborot-tahliliy
va prognozlashtirish faoliyatini nazorat qiladi;

transport sohasida qisqa va uzoq muddatli ijtimoiy-iqtisodiy rivojlanish prognoz ko‘rsatkichlarini ishlab chiqish bo‘yicha vazirga takliflar kiritadi;

transport sohasi faoliyatiga doir masalalar bo‘yicha tegishli vazirlik, qo‘mita
va idoralarda o‘tkaziladigan seminar va yig‘ilishlarda ishtirok etadi;

milliy va xorijiy korxonalar tomonidan O‘zbekiston Respublikasi hududi orqali havo, temir yo‘l, avtomobil va daryo transportlarida yuk aylanmasi
va yo‘lovchi tashish prognoz ko‘rsatkichlarini bajarilishini nazorat qiladi;

transport sohasida belgilab berilgan prognoz ko‘rsatkichlari ijrosi bo‘yicha vazirlik rahbariyatiga tahliliy ma’lumotnoma kiritadi;

transportning barcha sohalarida prognoz ko‘rsatkichlarini belgilash, ma’lumotlarni tahlil qilinishi hamda tegishli boshqarmalar bilan hamkorlikda takliflar ishlab chiqilishini nazorat qiladi;

transport va yo‘l xo‘jaligini rivojlantirish sohasidagi vazifalarni izchil va tizimli hal etishni ta’minlash bilan bog‘liq barcha masalalarni o‘z ichiga olgan uzoq muddatga mo‘ljallangan konsepsiyalarni ishlab chiqishni tashkil etadi;

vazirlikning tarkibiy bo‘linmalari bilan birgalikda transportning barcha turlarini rivojlantirish strategiyasi, dasturlari va “Yo‘l xaritalari”ni ishlab chiqish masalalarini muvofiqlashtiradi;

transport va yo‘l xo‘jaligi tizimini tartibga solish va kompleks rivojlantirish bo‘yicha normativ-huquqiy hujjatlar ishlab chiqilishini tashkil etadi;

vazirlik vakolatiga kiradigan masalalar bo‘yicha qonunlar va boshqa normativ-huquqiy hujjatlar loyihalari ishlab chiqilishini tashkil etadi;

vazirlik va idoralar tomonidan transport bo‘yicha kiritilgan normativ-huquqiy hujjatlar, dasturlar va boshqa hujjatlar loyihalarini ko‘rib chiqadi, rahbariyatga tegishli takliflar kiritadi.